木兆小品 (樂富廣場B區)

營業中

休息中

平時夜晚都幾鐘意叫餸食飯，今晚行過間茶餐廳，見佢裝修都唔錯，就入去試下。晚市套餐選項都幾flexible，我地三個人唔想食咁飽就叫咗主菜同小菜各一款，包埋兩個老火靚湯同白飯，都幾夠食。我地嗌咗薑蔥霸皇雞煲同埋拍蒜涼瓜豉汁炒牛肉，上菜都算快，十五分鐘內就有，仲要碟碟都熱辣辣。雞煲有成隻雞髀，唔係全部雞胸肉，味道都算不過不失。至於苦瓜就不太苦得黎又有少少甘味，本身唔係特別鐘意食苦瓜嘅我都食多咗。最有驚喜就係個燉湯，一開個蓋就見到底下有幾多湯料，飲落去完全唔係平時係茶餐廳飲開嘅味精湯，好有味同好清甜，有種飲緊阿媽煲嘅湯嘅感覺。