燃 (已結業)

之前見大圍開左間燒肉店「燃」晚市有定食，一於同朋友試下。餐廳啲位都好闊落，每個卡位都有部日式網燒燒烤爐，最搞笑既係有部電視仔，可以一路食一路睇🤣我哋要左一個刺身set，一個燒肉set所有定食配前菜，沙律，蜆肉麵豉湯，甜品，都幾豐富。🔸三文魚親子丼定食$168簡簡單單刺身丼，三文魚都算厚身肥美，碗飯唔算好大碗，女仔就啱啱好。唔想食燒肉既都可以揀刺身食下。甜品有抹茶厥餅食😍🔸安格斯燒肉定食(牛舌)$148燒肉定食要左牛舌，都幾多塊，係薄切款，口感彈牙，可以點燒肉汁/辣汁/柚子汁食。📍#燃 (#大圍美食)大圍積福街78號地舖🔖 #吃是真愛_大圍