紅粉佳人 (已結業)

之前幫襯過呢度兩三次，都係食晚飯，自從第一次來食嘢之後，次次都係食呢度的二人套餐，為的是飲呢度最有名的「泡沫煙三文魚忌廉湯」同吃「三文魚白汁醬伴法包」。今次來到就係晏晝，為的是試試呢度午餐的水準。呢度隨餐附送的b]「三文魚白汁醬伴法包」仍然好吃，包身夠脆，醬汁好味。個餐湯----「雞蓉粟米忌廉湯」----雖然唔係招牌泡沫煙三文魚忌廉湯，味道都唔錯，粟米同雞蓉份量都多，湯也夠濃稠。至於個主菜「燒西冷牛扒配牛肝菌燒汁」，燒汁味道偏濃，牛扒算大件，不過不夠厚身，而且有一點韌，不過問題還不太大，以$50左右的西餐廳午餐來說，這質素的牛扒已算可接受。總的來說，這裡的午餐算係及格啦，不過如果同晚餐比較，雖然晚餐價錢係貴了一大截，我就寧願在晚上才來幫襯了。