冰雪公主 (已結業)

中秋節翌日，又有一日假放。見今日天氣幾好就同我朋友出街行吓， 點知個朋友唔得閑想去畫畫咁我哋就去咗全灣一間嘅眾workshop畫畫啦。畫完畫之後都天黑喇，朋友就食埋飯先返屋企啦。呢間餐廳係我哋畫畫嘅地方附近，因為我哋都知道依一間野有熱食再加甜品。為咗食完個晚餐唔使再行來行去就可以食甜品就揀咗呢間餐廳食。環境都舒服全部都以沙發為主，又放左啲玩具比客人玩，地方好整潔，而且裝修環境佈置精緻。主菜我哋大叫左一個卡邦尼意粉，意粉汁好濃味又吾會話太膩，而且好creamy。意粉口感非常煙韌，職員亦有配上一樽的芝士粉給我們，但味道已經很足夠。而且煙肉都幾多下，又唔會話太肥膩。上菜時候擺設甚為精美。另外我叫咗一個藍莓汁最後一個用餐結尾就是甜品，爆谷雪糕，我叫這甜品做爆谷山，雪糕好上面鋪滿炮谷。雖然啲爆谷係雪糕上面，但爆谷都好脆卜卜，味道甜甜地，雪糕好名凍，都吾會太甜。脆卜卜既爆谷配上軟綿綿嘅雪糕，都好配合。創意度極高，又睇得又好食。