小豆島日本料理 (已結業)

上次黎食lunch。今次黎食dinner。叫左一份刺身、豚肉大阪燒、牛油果吞拿魚沙律同一盤壽司。刺身有8款，三文魚腩、吞拿魚、劍魚、鯛魚、海膽、兩款蝦同帆立貝。刺身整體黎講都新鮮，海膽都幾大塊。大阪燒都唔錯，表皮脆，入面又足料。大阪燒面有塊煙肉，鍾意煙肉既可以叫黎試下。沙律方面，牛油果得幾片好薄既，慳左d。而且唔知點解好油膩，所以麻麻。壽司盤有三文魚、鰻魚、劍魚、吞拿魚、北寄貝、蝦同火炙三文魚。同刺身既款差不多，所以就唔多講。