賞茶 (已結業)

今日想飲杯台式手搖，發覺星期六去買都幾多人去排隊，因為人手唔太夠，建議可以用賞茶個app落單，咁就唔使等咁耐。-蜂蜜307茶王加蘆薈首先嘢飲飲落去茶底有少少淡淡嘅茶香，同埋有少少澀，我估應該係綠茶，而且配左啲蘆薈飲落去就好清新，建議可以叫半糖或以上，因為今次叫咗小糖飲落去就比較寡，如果有啲糖配埋蘆薈飲落去就會順口啲，不過蜂蜜嘅味道就唔算太出。-冬瓜檸檬加蘆薈而且都推介飲冬瓜檸檬配蘆薈，可是未有相片提供，飲落去酸酸甜甜，令到杯嘢飲唔會太死甜，而且唔會蓋過冬瓜糖嘅味道，我自己覺得呢杯會比較出色。