泰+海南雞 (已結業)

無諗到石門開左間新嘅海南雞飯店，今晚晚餐順勢買左兩份無骨海南雞飯外賣返去試食，一打開盒雞飯覺得賣相一般，跟餐有一碗冬瓜湯同一盒醬汁配埋，咁我試飲左嘆湯先，估唔到又幾清甜，入面仲有d雞絲，之後開始試食個雞，點埋d醬配飯食又幾正喎，真係估佢唔到，所以成餐掛住食，都唔記得影相，整體黎講真係唔錯，兩個餐加埋都係$104，而且佢外賣用嘅包裝盒同袋都偏硬身質地，重點個飯都夠多又唔算好油，晚餐食都夠飽有餘，下次會再翻兜。後篇：食飽之後屋企人拎埋個外賣袋去垃圾房掉，竟然見到兩個同款外賣袋...乜咁啱嘅...