勝手 (已結業)

前陣子同朋友黎想食D串燒做宵夜，但因為旁邊的客人吃緊Shabushabu實在太吸引，所以我決定試返一個，望望前面餐台上原來已經有係菜單。我點了壽喜燒湯底，甜味係我既至愛，去到邊我都係選呢款。係等待主菜黎時，店員為我送上餐湯，有３款選擇，而我要左最基本既麵豉湯，不過不失，都幾濃沐，重有Ｄ新鮮豆腐。最值得讚係呢個頭盤，鮑魚配螺肉，想不到也能煮得如此入味，凍食都非常好味，帶有微甜，係我最愛～主菜我點了黑毛豬，單看毛澤粉嫩，應該幾新鮮。肥瘦適中，女仔都容易接受，比較偏薄身。肥瘦肉質新嫩，因薄切亦可以吸收湯底味道，其他配料亦非常清新，可以中和一下肥肉的油膩感。最後會送上一個麵做結尾，因為中途加湯不是加水，到最後的湯味道超濃，重口味人士最愛，而我覺得剛剛好，完全入晒麵度，正！最後有點不夠喉就點左少少串燒，這牛舌實在太好味了，外面被燒得微微焦脆，灑上黑糊椒更香口，入口有種溶化既感覺。