功夫點心 (已搬遷) 新店位置

無黎過食野好耐啦，見到人唔多，就食黎番尋味。黎得功夫點心當然要點豉汁煎釀茄子，次次黎必叫，大大碟，煎得剛剛好，唔會過濃又夠Juicy, 真係好好食嫁👍🏻👍🏻。花生飽汁鳳爪蚊得太淋，比平時稍為遜色；瑤柱海皇灌湯餃抵食，$28大大碗，水準ok，蟹子香菇燒賣每隻計，$9一隻，兩隻起，叫左兩隻炸，覺得唔抵食。唔洗等位，不過等野食等左好耐，差唔多半個鐘先黎第一碟野。座位排得好迫，我地三個人座四人枱，坐底一陣仲有一個人搭枱，全枱擺滿哂野。