段純貞X日出茶太 (The Johnston)

營業中

休息中

山長水遠去咗灣仔，原本想食crepe點知星期一唔開摸門釘，諗緊食乜好，行到去段純貞門口就入咗去，夜晚冇乜人，同平時返工食晏差好遠。坐低用barcode叫嘢食，呢間段純貞同日出茶太聯乘，全港得兩間係咁，變咗茶飲多好多選擇，我食開嗰間荃灣西分店冇日出茶太揀，所以只有珍珠奶茶🧋，但又唔係特別好飲，所以灣仔呢間好有優勢，我懷疑樓上間Ozakaya都係同一個集團。叫咗麻辣蒜味腱心半筋半肉面，揀咗細面，走酸菜，麻辣夠哂辣，肉同筋都ok，不過教會姊妹話面太少，唔夠飽。嘢飲🧃揀咗泰式奶茶🥤中杯走冰加珍珠，冇乜泰式茶味，不過珍珠好Q。食完呢餐好飽😋