BEL CIBO Seafood Bar & Restaurant (已結業)

同朋友行行下街有d肚餓，朋友就介紹左依間我食下。兩日叫左個set dinner一上菜，有兩朵玫瑰花嘅煙三文魚，幾有心思。平時食煙三文魚我就好一般，不過依個配香芒油醋汁再加菜沙律就幾開胃，個芒果汁好香濃，幾合我口味依個白汁味嘅蜆味道ok，配合大傘菌味道都幾夾。 大傘菌好厚身，好汁感，上面有幾粒芝士味焗嘅田螺好入味，芝士加田螺加大傘菌三種唔同嘅口感放在一起好好味牙。依個時候叫反杯朱古力味咖啡幾香濃，不用加糖都夠味。上左個雜菜湯好足料。主菜五選二，叫左個意大利紅花粉煮鮮蝦長通粉，蝦食落爽甜新鮮大隻，唔錯。 長通粉配合蝦食加上香草汁幾清新。再叫左個檸檬炭燒原條芝麻斑。魚一上枱比想像中細，檸檬味重。一般炭燒會比較乾身無咩肉汁，依條芝麻斑就無依個問題啦，都算係可以鎖住到d魚汁，唔錯，食落幾香口。最後有主要嘅甜品上，係蕉糖同雲喱拿雪糕配士多啤梨醬嘅布丁。個兩個雪糕都幾甜，反而個布丁口感幾好再配士多啤梨醬好夾，唔錯。