馬辣台式鴛鴦火鍋 (大鴻輝(荃灣)中心) (已結業)

近排天氣轉冷，最想食就係打邊爐，朋友帶左我去荃灣大鴻輝（荃灣）中心8樓的馬辣台式鴛鴦火鍋🍲。由於朋友一早訂位，所以去到便可入座。由於我地7點到人流不算太多。我地簡左兩款湯底，台式麻辣鍋（小辣）及芫茜皮蛋鍋。台式麻辣鍋（小辣）， 唔算太辣，鍾意食辣既可以叫兩隻辣椒既辣度，湯料有豬紅。芫茜皮蛋鍋 - 芫茜味唔重，唔鍾意芫茜既朋友仔都可以一試，可以下火清熱。點選食物，牛既款式既盤邊會分開4種顏色，方便客人去分辨唔同種類既牛。美國prime頂級牛梅花（紅色） ，比較嫩口美國精選牛五花（白色），比較多肥膏美國choice無骨牛小排（藍色），最嫩口同牛味最重，推介呢款。美國CAB安格斯黑牛（綠色） 有嚼口。是日海鮮 - 花甲，很鮮美。黑豚五花肉，食落無賣相咁肥，爽口。頂級小肥羊肉- 有少少膻味。上菜速度正常，無漏單情況，自取食物林瑯滿目。飲品選擇都多。有人手現場即整餃子，餡料豐富，洋蔥牛肉餃味道好似食緊小籠包，韮菜豬肉餃味道正常。雪糕方面，有雪米糍和Dreyers 雪糕🍦。吃到中段時間有侍應推車仔加湯底，服務唔錯，抵讚。