Triple O's by White Spot (已結業)

睇完戲就去食晚餐，我同家姐都想食漢堡包，不過因為當日係要守齋，所以就唔可以食熱血動物嘅肉，不過魚肉同埋海產嗰啲就係可以食。 我同家姐分別叫咗魚柳漢堡、蝦肉漢堡、仲有洋蔥圈、魷魚圈、一碟 Kale 沙律、同兩杯Zero可樂。Kale沙律 , 有啲芝士、麵包粒，健康又好好味。魷魚圈同埋洋蔥圈，味道都唔錯，保持著以往嘅水準。 魚柳漢堡，個包都高高大大睇落唔錯，魚柳有魚味，不過睇起上嚟就好似炸得耐咗少少，侗包嘅生菜其實可有可無，但係成個包加埋一起嚟食就好好味。所以千祈唔好分開嚟食。