Tapas Brew (Greenfield Plaza) (已搬遷) 新店位置

Tapas Brew西班牙餐廳，餐廳燈光柔和。因為疫情，全部枱都已經有曬板隔開，每次有客人離開都有消毒下張枱。地方都乾淨，坐得舒服，啱哂幾個朋友傾計食野。食物方面, 叫左西班牙海鮮飯，西班牙燴蜆伴檸檬橄欖油,地道蒜片辣椒橄欖油配脆包粒西班牙海鮮飯：主要有蝦，魚，青口，蜆等等。蝦都幾鮮味，魚冇骨，仲有D脆邊，肉質唔會乾。有唔少青口同蜆，而且冇沙，都幾鮮味，唔錯。飯粒有咬口，有紅椒粒，海鮮飯望落好多顏色，十分開胃，賣相一流！西班牙燴蜆伴檸檬橄欖油，燴蜆唔算多調味，食到蜆肉本身嘅鮮甜味，都冇沙。地道蒜片辣椒橄欖油蝦配脆包粒，脆包粒配埋蒜片辣椒橄欖油蝦係好好嘅組合。索左油香嘅脆包粒外脆內軟，重蒜香而微辣。一齊食都唔覺好油膩，蝦有金黃外皮，肉質彃牙，味道唔錯～飲品就叫左杯凍檸茶，糖水另上，可自行配合個人口味。