影片
更多
2021-11-20
2234 瀏覽
同朋友預約咗1800-2100時段buffet。首先食物質素真係唔係唔值近人均$500。我哋係晚市第一round客，但除咗有冚蓋嘅熱盤外，第一輪拎嘅「熱食」好多都係凍。薯角又凍又淋，炸魚仔係一啲溫度都無好似擺咗成日。切牛又乾又無味，導致我哋之後拎嘢食嘅標準係只求熱食有溫度。凍盤煙三文都算係港人至愛，無諗過係得個鹹字，完全無煙三文感覺。生蠔略腥，食完一舊完全無興趣再食。導致根本唔敢再試其他水產。甜品算唔錯嘅，因為有個布甸蛋糕真係好好食，同埋有movenpick補底，其他甜品都不過不失，算係可以。但係環境真係唔算好，枱與枱之間距離好窄，每次行出行入都好驚撞到沿途其他枱嘅客人。另外又泊埋收碟車出嚟喺主通道，收碟嘅阿姐又唔爽手醒目，成件事就好似去咗茶樓甚至喺茶記。總結一句，差唔多人均$500換嚟一餐咁嘅質素嘅buffet，真係中晒大伏。
首先食物質素真係唔係唔值近人均$500。我哋係晚市第一round客，但除咗有冚蓋嘅熱盤外，第一輪拎嘅「熱食」好多都係凍。薯角又凍又淋，炸魚仔係一啲溫度都無好似擺咗成日。切牛又乾又無味，導致我哋之後拎嘢食嘅標準係只求熱食有溫度。
凍盤煙三文都算係港人至愛，無諗過係得個鹹字，完全無煙三文感覺。生蠔略腥，食完一舊完全無興趣再食。導致根本唔敢再試其他水產。
甜品算唔錯嘅，因為有個布甸蛋糕真係好好食，同埋有movenpick補底，其他甜品都不過不失，算係可以。
但係環境真係唔算好，枱與枱之間距離好窄，每次行出行入都好驚撞到沿途其他枱嘅客人。另外又泊埋收碟車出嚟喺主通道，收碟嘅阿姐又唔爽手醒目，成件事就好似去咗茶樓甚至喺茶記。
總結一句，差唔多人均$500換嚟一餐咁嘅質素嘅buffet，真係中晒大伏。
張貼