澳門台山水佬榮火鍋專家 (已結業)

之前見到佢個名幾有趣，叫水佬榮，同埋見佢係食海鮮火鍋，所以都心思思想試下。今次一班朋友打邊爐終於可以試下。我地叫左個母艦海鮮拼盤，size好大隻，加埋佢個蓋，真係成隻空航母艦咁樣，小朋友見到一定會好開心。一打開，外貌就幾好，不過味道就普普通通啦。帶子算新鮮同大隻，蝦都爽口新鮮既，魷魚同鮑魚無咩味，蜆就太細隻，蟹又無咩肉，聖子有沙，青口都還可以唔腥既。整體黎講普普通通，無咩野好突出好好食，但係埋單都400幾每位，幾貴，可一不可再。