宮葉 パフェ (已結業)

呢日同朋友嚟到呢間位於官塘牛頭角道嘅宮葉食lunch, 餐廳裝修日本風格，因為樓下已經坐滿客，所以侍應帶左我哋上樓上雅座，樓上的座位坐得都算舒服。我叫左個和風豬軟骨拉麵($56)配熱柚子茶(跟餐加$5)。拉麵先上，飲左一啖湯底感覺好似有味精味，比較普通。豬軟骨炆得亦唔係好夠腍，味道同口感都只係一般。溫泉蛋同竹筍都唔錯，但因為主角嘅湯底同豬軟骨都係普通，所以整體感覺都係一般。熱柚子茶雖然只係跟餐加$5，但因為真係幾淡，所以感覺唔係好抵飲。呢餐拉麵嚟講雖然唔算貴，但因爲食物同飲品都好普通下，所以並無任何抵食嘅感覺。