餃掂手工餃子雲吞專門店

🏠餃掂手工餃子雲吞專門店 (銅鑼灣)🥟韭菜豬肉煎餃 $60呢個煎餃係即叫即煎，所以上枱時即刻食係會辣到個口🤣食過香港咁多間餃子店嘅韭菜煎餃，呢間算係中規中矩， 肉同韭菜嘅比例，我諗係5比5， 餃子餡係好紮實果類，其實即叫即煎嘅煎餃係唔會差得去邊~ 😋🥟雲耳椰菜餃子麵 (轉九鼎湯) $63因為太好奇咩係九鼎湯，所以就專登叫咗個餃子麵轉呢個湯底，飲落其實就係好淡嘅粉葛湯， 絕對稱唔上係好飲，但係有冇功效就俾唔到comment🤣 雲耳椰菜餃就比較適合口味比較淡嘅人食，佢嘅椰菜同雲耳都幾爽口，係一種比較有口感嘅餃子餡，但調味就比較淡。🥛豆漿 $15豆漿甜度適中，豆味幾香。