影片
更多
2021-09-11
139 瀏覽
地址－夏麵館 Xia Mian Guan (將軍澳)將軍澳貿業路8號新都城中心2期2樓2013號舖💋雞絲粉皮，溫度可以接受，相比其他的店舖好似已經可以叫冰凍的了，麻醬質素頗佳，濃稠度都唔錯，味道都幾濃下，應該唔係用花生醬代替，粉皮份量就稍為少，我地一行5人都唔太夠分，整體黎講值得一試。💋烏金蟹粉拌麵，份量黎講唔都係唔算大，蟹粉味道唔夠出，偏淡，如果調整一下比例應該較佳，麵質口感麻麻地，有點過硬，整體黎講同想像中的味道出入都頗大，可以忽略不試亦無損失。💋酸辣湯麵，份量以全晚黎講算係頭二名，麵質唔錯，但今次就相反，應該煮耐左，D麵變成一餅野，要花心機去分開佢地至可以夾比自己，酸辣湯方面，如果分開裝會更好，佢味道唔錯，配料都幾多下，酸辣度都適中，只係份量偏少。💋紅油抄手，佢應該有改過製法，同我係上海時食的味道唔太似，但改得黎幾好，佢應該有用蒜蓉鋪面，夾埋一齊食感覺和諧，如果佢辣D會更佳。💋奶油津白，佢湯底味道似用金X忌廉湯開成，好似唔太好，湯底有點太杰，我最愛的菜菜比得都偏少，點夠我健康孩子所要求呢 ?? 但佢有少少火腿絲鋪係面都做到畫龍點睛的效果，唔錯。💋小籠包，黎食上海野，唔食小籠包好似
將軍澳貿業路8號新都城中心2期2樓2013號舖
💋雞絲粉皮，溫度可以接受，相比其他的店舖好似已經可以叫冰凍的了，麻醬質素頗佳，濃稠度都唔錯，味道都幾濃下，應該唔係用花生醬代替，粉皮份量就稍為少，我地一行5人都唔太夠分，整體黎講值得一試。
💋烏金蟹粉拌麵，份量黎講唔都係唔算大，蟹粉味道唔夠出，偏淡，如果調整一下比例應該較佳，麵質口感麻麻地，有點過硬，整體黎講同想像中的味道出入都頗大，可以忽略不試亦無損失。
💋酸辣湯麵，份量以全晚黎講算係頭二名，麵質唔錯，但今次就相反，應該煮耐左，D麵變成一餅野，要花心機去分開佢地至可以夾比自己，酸辣湯方面，如果分開裝會更好，佢味道唔錯，配料都幾多下，酸辣度都適中，只係份量偏少。
💋紅油抄手，佢應該有改過製法，同我係上海時食的味道唔太似，但改得黎幾好，佢應該有用蒜蓉鋪面，夾埋一齊食感覺和諧，如果佢辣D會更佳。
💋奶油津白，佢湯底味道似用金X忌廉湯開成，好似唔太好，湯底有點太杰，
我最愛的菜菜比得都偏少，點夠我健康孩子所要求呢 ?? 但佢有少少火腿絲鋪係面都做到畫龍點睛的效果，唔錯。
💋小籠包，黎食上海野，唔食小籠包好似唔太對得住自己個小胃子(喂)，衰心急，太大啖咬落去，即“必”汁，辣死別人的孩子，所以要小心食用，唔好咁心急啦，皮方面都算薄，餡方面加左薑粒，口感味道都幾物別，唔錯
💋鍋貼，身為小籠包的好朋友，冇理由唔叫埋佢，皮方面比坊間的更厚，no good, 餡就偏少，煎又唔夠火喉。
💋樟茶鴨(配蝴蝶餅)，我地見佢有半隻鴨，又有埋D蝴蝶包，好似幾過癮下，就叫佢黎食下，份量就正正常常，但肉太少，冇乜肉咁，最奇特有D位好似好近PAT PAT咁，臭的，即放下，其他部份的味道黎講幾特別，似煙燻鴨的味道，夾埋D蝴蝶包食可以減輕鹹度，幾得意。
💋瑤柱蛋白炒飯，雖然我明白炒飯要D飯儘量乾身，但呢個又未免太過了吧！佢D瑤柱唔知點解全部痴埋一PAT咁，要強行分開佢地至分到比咁多人食至得，D瑤柱就炸到有點過火，硬得濟，食完我都感到我的小胃子好似向我求救咁！
💋榴槤鍋餅，鑑於有人表示唔食榴槤，而對我呢D關注組成員(自稱)黎講，當然要叫埋佢黎食，但份量就半份都夠了，好彩佢應該都係用真‧榴槤去製作，好怕食榴槤制品係食落好假，好有陰影，不過佢榴槤味唔太出，如果佢落多D肉落去會更佳，食落唔太爽，但好彩鍋餅都煎得都唔錯，上菜時仲熱熱地，又脆脆地咁，咁我就嘗試原諒佢啦XD。
總結：整體黎講呢間質素都唔錯，以人均百幾蚊的價錢食到人人都捧住個大肚腩離開(除左我)都算係咁，但佢D職員可能需要加強培訓，因為我地發現有人一係冇左對筷子，一係冇左隻碟，呢D情況唔應該發生，希望可以改善一下。
張貼
