馬六

營業中

休息中

海南雞喇沙摻摻 （$72）喇沙湯底唔錯，幾香炸紅蔥頭嘅味道。原來摻摻係油麵加米粉。兩種完全唔一樣嘅麵擺埋一齊有啲搞笑，如果可以唔使兩溝就好。海南雞唔可以另上，唯有上咗之後問佢攞個碗分返開佢哋。雞肉其實一般般，唔算滑，份量亦都唔算多，感覺上俾海南雞飯嘅份量少。午餐包一杯熱飲。我揀咗桂圓紅棗茶。同我想像中唔一樣，我以為係甜嘅桂圓紅棗茶，但係你杯飲品除咗紅棗乾，杞子，桂圓，仲有幾粒菊花同玫瑰花，感覺成杯嘢高級晒，突然間變咗桂圓紅棗花茶。你杯飲品飲落冇額外加糖，飲囉剩係得紅棗桂圓嘅少少甜，我幾鍾意。朋友話杯美祿就麻麻哋，因為飲落除咗甜味之外冇咩美祿嘅味道。