犢食 (已結業)

好似係新開既日式店，見到食評唔多但多數係好評，趁Lunch hour黎試下。同同事都係叫左牛肉丼，佢食溫泉蛋，我食特盛。牛肉份量唔少，飯都好多。本身期待會係日式米，或者其他口感好D既，結果只係普通米飯。牛肉有D鹹，唔算特別好食，只可以話不過不失。有D子薑係面，我覺得同個飯同牛肉唔夾就無食。如果作為開胃前菜，分開擺就ok。擺埋一齊就唔想食丼跟配湯/玄米茶，我要左茶，入面玄米唔少，但係味道有D淡。去到先知全部都係高櫈唔中意，坐得耐會腳痺。而且12點15開始多人，坐得有D逼。如果下次去食會試其他款，兼打包走。