牛摩+ (沙田中心) (已結業)

香港人真係好鍾意打邊爐，3x℃都可以日日打邊爐😂😂。依家D商場，旺區每一個角落梗有一間火鍋店😝。今次去既牛摩都係連鎖火鍋店之一。成日都好多人排隊，今日見lunch 無咩人😏就食下lunch 放題啦。order 左一個蕃茄湯，一個地獄湯。日式火鍋放題既湯底真係無咩特別，只係用一D 濃縮湯醬😅開出黎既湯，不過可以自己加D新鮮蕃茄淆啲味既。講返D牛肉先，肉質真係一般，又乾又無肉味，雖然係任食，但都唔想再食。反而豚肉好D，軟滑有肉香😋豚肉不錯。牛肉可能我係叫最平嗰款🙄，所以一般，但其他食物選擇都唔少既，lunch 平平地都可以試下😝。