影片
更多
2009-03-11
14 瀏覽
上星期日的合家歡聚會, 我提議去尖東帝國中心個間”住家菜”。 當然, 我已做好功課, 睇晒D comments先至提議去。 跟據網友資料提供, 我一早已經訂咗佢地既招牌菜亞嫲雞同南瓜燜排骨。當晚我們一行10人6點15分已經去到, 侍應已醒目地把點菜紙遞上, 上面已把我們訂了的亞嫲雞同南瓜燜排骨圈上。心想: 今餐應該沒選錯吧。 我們點了8餸1湯, 以為夠吃, 因為有2個小朋友。 可是當看見食物時, 才發覺分量是小型的。於是即刻加多4個餸, 才不至於不夠吃。 亞嫲雞，名不乎實，有點失望．雞肉梅不特只，味道還普通過普通, 還不及燒腊檔的鹽焗雞。不過，南瓜燜排骨就好好味，排骨入味而且重好夠林，原隻南瓜可以食晒．其他餸菜只能比ok。因為看過食評話, 如果叫夠10個餸會有兩鍋例湯送, 於是我便問D侍應, 佢地似乎唔係好知, 問咗幾個人先至有個人埋嚟同我地講, 要用DBS信用咭先至有得送。我們無人有DBS, 於是只叫了一鍋。 因為覺得唔抵。 不過, 埋單時有紫米露送, 都算有嘢送。亞嫲雞 $180 / 隻 南瓜燜排骨 $80鮑魚雞粒竹筒飯 $62鐵版牛肉粒 $62西蘭花花枝片 $62是日
亞嫲雞 $180 / 隻
南瓜燜排骨 $80
鮑魚雞粒竹筒飯 $62
鐵版牛肉粒 $62
西蘭花花枝片 $62
是日例湯一鍋 $45
蟹肉扒娃娃菜 $48
三菇扒時疏 $48
紅燒豆腐 $48
粟米班塊 $48
酸甜咕嚕肉 $48
太極飯 $62
值得讚的地方:
- 上菜很快, 20分鐘內侍應已把所有餸送上
- 一鍋例湯, 10個人分都可以分到大半碗
改善之處:
- ＄９碗白飯貴咗D
- 不適合大伙人，因portion比較小
張貼