麵屋一京 (已結業)

深水埗新開拉麵店！終於唔再係隱家 混亂 海老名個老細開，而係由麵屋丸京同公司開，葵芳既麵屋丸京非常出名，經常大排長龍，小弟排過一次，叉燒的確軟稔，半熟蛋亦入味，豚骨醬油湯底都幾滋味！所以趁新開張都黎麵屋一京試下。原來同麵屋丸京餐牌係一樣的，唔知改過個名做乜。唔講咁多，直入正題，招牌拉麵$98剩係影左友人走蔥個碗 我係無走蔥既1.湯同麵 同丸京味道相近 唔錯。有得揀清湯同濃湯，個人覺得清湯已經好濃味所以唔會揀濃湯。2.招牌低溫唔知點煮既叉燒，同丸京無得比！好鞋，好似食熏蹄咁，不過係無味既！3.半熟蛋係入味既 但入面係接近全生一啲都唔半熟！結論：要食都係去返葵芳丸京食啦，一京真係好普通，品質有差距，而且唔知係咪請晒新職員，啲侍應都幾遲鈍唔夠主動同埋好快就收左你碗麵，但其實出面已經無人等位。