小點角落 (朗豪坊)

營業中

休息中

閒日夜晚去朗豪坊揾野食，見到呢間未食過，價錢又唔算貴就入去試下。叫左個蝦油撈粗麵加煎釀三寶，唔係好食得出蝦油味，粗麵係偏軟嘅口感，個蝦球幾爽口。個煎釀三寶就普通，無乜特別。另外仲叫左個盲鰽燉飯加碗仔翅，個燉飯係普通蕃茄味燉飯，但個魚就幾嫩滑。碗仔翅好淡味，仲有啲一舊舊嘅糊狀，唔推薦。套餐會免費有杯熱茶，如果加野飲嘅話都要20幾蚊一杯，加左杯橙加柚子嘅果茶，食到好多一粒粒嘅果粒，味道正常。總括係普通嘅一餐，如果有其他選擇未必會再食。