鯛魚魚湯專門店 (已結業)

今晚放工去左太古城行街，前一晚食左雞煲，今晚想食得清淡少少，所以行左去側魚涌搵到間食鯛魚湯米線，鋪面不是太大，不過入到去已經有位，見佢餐牌都有好多選擇，有烏冬湯飯定食等，亦有好多海鮮例如帶子、蠔、鮑魚、海膽、龍蝦等。但侍應態度不是太好，落單無即時回應，要等左一陣先成功落單，我地叫左一個花膠魚肚烏冬同埋象拔貝湯烏冬先講象拔貝，一黎都幾重腥味😣，要落左不少七味粉先掩蓋到陣味，下次都係叫d 穩陣野，貝類比較大風險。花膠魚肚就正常，但唔係太出色，而佢標榜既鯛魚湯亦都係普通，唔係特別鮮甜，下次都未必會幫襯。