韓閣

營業中

休息中

好耐無打食評喇！都好耐無食韓國菜，仲突然想食韓式炸雞！以前同同事去過寶琳間韓閣，記得都幾好食，估唔到睇open rice 發現黃大仙都有間，就同朋友一齊去食。見到大家都推介豬手，就叫左個例牌，份量都夠兩個人食，我就幾喜歡這款豬手，但朋友就話似超市買果啲豬手🤣🤣大家口味唔同，點埋佢個醬汁，味道不錯。當然唔少得韓式炸雞啦，今次點左傳統酸辣味，全都是有骨炸雞，但部分位置係無骨。然後我發現個sauce 好似有蜜糖味？但只係局部地區性的有蜜糖味🤣唯有當餐廳俾我試兩款口味啦！但佢個炸粉有點多，普通。呢個白汁黑松露蛋捲。。。走醬會好食啲。。。蛋部分絕對無問題，或者係可以接受。。。可能小弟見識淺薄，佢個醬。。。白汁？係用沙律醬撈黑松露？酸酸地？總之唔係平時西式點薯條果種味，更唔好提無乜黑松露味。。。最後我地仲叫左個海鮮煎餅，一睇就知煎餅一啲都唔脆，粉多皮厚夠哂飽肚，酒樓級數也許都得罪煎薄餐嘅師傅。兩個字，難食。唯一開心番少少🤏🏻嘅位置，就係原來佢每食夠$100就可以夾一次波波，但至少都要20分才可換禮物，而我只有兩分🤣🤣，不過志在玩下。我諗都無機會儲到分的了。