California Pizza Kitchen (已結業)

睇到之前咁多好嘅評語，於是尋晚就一行四人黎咗呢度食，坐近窗，個view都幾好，服務都唔錯，果然，d侍應係refill得好快的，不知不覺真係飲嘢都飲飽！嘢食方面，叫咗兩款湯，忌廉薯蓉同墨西哥粟米，兩款湯味道極濃，而且都幾特別，尤其係後者，值得一試！另外叫咗個墨西哥闊麵、雜菌辣肉腸薄牌、雞肉沙律、同香蕉蛋糕加雪糕，最好味應該係個甜品，香蕉味好濃；沙律個醬汁就差d，而且少，搞到好似淨食雜草咁；pizza上面嘅菌類係生的，其實呢個係咪特色﹖可能個人喜歡厚批，所以覺得佢個批底薄得黎都有d咬感，pizza應該係第二樣好味嘅嘢；闊麵就無乜特別，入面夾集咗好多紅黃椒絲，雖然係夠腍，但個份量就多過正常嘅配菜囉，雞肉就反而無乜。其實整體食物質素幾好，不過我哋都一致認為唔太值，但係一試都無妨嘅！