阿牛哥清湯腩.咖哩專門店 (已結業)

早前買咗恆隆coupon(只付$29就有$100現金券），所以我哋就嚟囉。呢度環境一般，枱與枱之間距離很窄。我哋四個人坐一張圓枱都ok啦。我哋order咗招牌牛腩河加牛丸($31），咖哩牛腩飯($39）和常餐($32-凍飲加$2）。招牌牛腩河加牛丸 - 牛腩有少少韌，味道ok，河粉也不算滑，湯底也冇乜持別。咖哩牛腩飯 - 咖哩可算辣度，份量都幾大，味道就不過不失吧。常餐 - 有滑蛋多士，牛肉公仔麵和飲品。滑蛋ok多士唔夠脆，牛肉公仔麵就普通啦。整體食物一般，埋單($105)，coupon加$5就得嘞，我哋實際畀咗$34，今次有coupon真係超抵。