JHD American Gourmet & Bar (已結業)

途經西九龍，阿妹又想食burger, 於是就揀左呢間。想食既素漢堡竟然賣哂，只好既退而求其次，點了all day breakfast。阿妹就叫左美國西部漢堡。两個都轉左餐，不過我冇跟薯條。跟餐既沙津奇怪地配上日式芝麻醬，感覺和這間美式餐廳格格不入，不過味道正常。All day breakfast頗為豐富，包括了香腸，煙肉，薯餅，焗豆，煎蛋，多士同埋炒蘑菇，不過份量偏少。味道方面則沒太大驚喜，但蘑菇調味不錯，薯餅亦夠脆。漢堡方面，唯一同普通漢堡不同既就係佢係配洋蔥圈，但只得一塊就不如唔好加，完全食唔到有洋蔥圈既味道。但味道還是不錯的，漢堡肉味夠濃，蕃茄同生菜都幾fresh，整體都ok。總括黎講，味道尚好，環境不錯，只是這個價錢在香港有更多更好既選擇。