Gino's Gelato

營業中

休息中

食完午餐，帶兩隻馬騮去赤柱廣場旁邊遊樂場玩，遊樂場旁有間雪榚店（佔晒地利！）入去地方光猛，裝修簡潔，見到雪榚有兩大類，乳酪及尊貴，我揀了車厘子乳酪，平時比較少見呢種味道，自己偏好水果味，店員只懂英文，同我講價錢係$40一球，餐牌寫$35！仲同我講好似第二球係$35，或買第二球就兩球都$35，（唔係好明佢講乜）最後我只要一球，店員用膠杯裝比我（佢又無問我用杯定脆筒）連一支膠匙比我，我同肥髀分享，食咗連果肉，無乜車厘子味道，唔係酸甜，只有甜味，無水果味，牛奶味種啲，但明明係乳酪系列又唔酸，唔明白，只係一球好普通嘅雪榚！唔值$40一球！店員有點愛理不理咁！可能配合赤柱悠閒氣氛喇！