良辰吉時 (已結業)

好少飲呢間手搖飲料店，見到佢間鋪名幾特別，又好似主打既飲料同其他有少少不同，所以就決定一試啦。 傍晚時份，但竟然冇人排隊，我買左杯宇治抹茶鮮奶茶試下，叫左少糖，飲落味道岩岩好，唔會話太甜，佢既綠茶味好香好濃，味道真的不錯。但係有一點唔鐘意既就係佢既綠茶粉落得真係好多，綠茶粉未能完全地溶於水中，即使我係飲用前已經搖到好均勻，飲的時候都會飲到一粒粒粉粉的感覺，口感真係麻麻地，所以建議店家可以改進落粉既分量，總體是ok的，22蚊價錢正正常常不會話太貴。