和平飯店 (V Walk) (已結業)

新開張，今日第一次去試下佢。呢次叫左小籠包、竹笙時蔬、沙窩雲吞雞、話梅骨同埋生煎牛肉餅首先講小籠包，一落order轉個頭就到，應該係蒸定，d皮還可以，厚左少少，湯汁唔算多，肉球比較實；竹笙時蔬係我覺得整得最好的，菜夠甜，竹笙爽，上面撒左少少鹹肉末；砂鍋雲吞雞係例牌，有6粒雲吞，6棵菜，半隻雞，雲吞調味唔錯，湯ok，但無雞味，雞肉無雪味，還可以。話梅骨一上台好大陣醋味，師傅都落得幾重手，骨炸得over左d，令到d肉太硬，肉好鹹，呢碟最差，唔推介；最後係好多人都有叫的牛肉餅，一咬開好失望，無肉汁流出黎，肉餡好少，餅皮好厚，同個介紹圖差好遠，45蚊3個真係好麻麻。