阿堂魚湯 (已結業)

上次專登OpenRice左呢間餐廳，見佢個魚湯好似好特別咁，所以就專登去試吓。入邊冇乜人，個侍應招呼都算唔錯，啲位都坐得幾舒服。我哋一個嗌左蠔烏冬加花膠，一個嗌左帆立貝烏冬，再加埋個三文魚魚骨。講真個烏冬唔算好好味，啲魚湯都冇話好鮮甜或者好特別，但感覺都幾健康。啲花膠OK，但係啲生蠔好似有浸奇怪味，唔係超級新鮮。帆立貝烏冬就中規中矩啦。但值得讚嘅就係個三文魚魚骨，只係30蚊，但就有好多塊，而且味道都唔錯，個三文魚魚骨反而比個魚湯烏冬更加出色！不過呢間真係冇想像中咁好食，比較一般，下次未必會再幫襯了。