田籽茶事 (快富街) (已結業)

之前有朋友一直推薦要試的一間鋪頭今日終於試到啦！炎熱嘅夏天，飲返杯凍飲，簡直大快人心。太多選擇，花多眼亂，唔知揀乜好。一心想試佢地嘅自家制珍珠所以問咗店員今日嘅係邊隻味珍珠店員話今日係芝麻珠本身我個人唔特別中意食芝麻味不過一場黎到，無理由唔試而且店員好有耐性推薦配普洱茶底咁就一於試試佢。今次叫嘅係少甜少冰第一啖飲 嘩。。。幾好飲喎！茶底唔會有澀味 之後再試埋珍珠，好味！好有芝麻香，又幾有咬口！行經個邊嘅，係可以試下！