東江食家

營業中

休息中

公司有月餅多，就落球場分啲比姐姐食，咁就梗係食飽飯先攞月餅啦。大埔中心附近食店雖然多，但好似又無乜心水想食乜，咁就食吓呢間成日經過又未幫襯過架啦。入到餐廳其實得一檯 2 位客人，亞姐就呼喝要我哋坐埋一邊，陣間可能有人搭檯，大佬呀你仲有咁多吉檯又疫情，有客人都分開坐咗先啦 😡😡所以答佢我哋好快食完走架啦，你有客人無位我哋先坐埋啦！ 2 個人 6 點幾其實都唔係好肚餓，叫咗個豉油王炒麵，半隻沙薑雞加個油菜。豉油王炒麵比較咸但有鑊氣，沙薑雞係面個幾件比較淋身好味，其餘都鞋口，油菜好味係唔記得走蠔油，佢哋落咗一大灘 😑😑餐廳地面都比較跣，慢慢行穩陣啲。招呼同食物都比較 “出色”，下次都係避之則吉！