上海廳1930 (已結業)

今晚唔想出街食，經外賣app 叫咗上海廳返屋企食。冷菜有三喜烤夫、雞絲粉皮同水晶肴肉。個人比較鐘意食雞絲粉皮，雞絲，粉皮，青瓜撈埋麻醬呢個組合真係唔會錯。點心有小籠包同生煎鍋貼。小籠包唔係熱辣辣上枱即食，始終都係爭啲。鍋貼皮就比較厚。小菜當中四川怪味雞香辣惹味，肉質幾滑夠入味。乾煸四季豆調味適中不會鹹，同肉碎一齊炒好惹味，口感豐富。其他仲叫咗椰菜回鍋肉，糖醋魚塊，腰果雞丁，不過就無咩特別，無太大驚喜。酸辣湯啱飲落唔會好辣，好開胃，不過後勁愈黎愈辣，要飲下水中和吓辣味。整體而言，食物質素中規中矩，我哋四人份量差唔多$800，感覺性價比唔太高。