agnès b. Café LPG (已結業)

今日午餐好趕時間，係尖沙咀見到Agnes B 有位就即刻入去醫下肚，行到counter，我叫左杯咖啡之後就後悔，因為呢度係冇乜嘢食。但係既然叫左杯野飲，唔想取消張單，而且時間又趕，唔想周圍行，唯有硬着頭皮叫個煙肉三文治。Cappuccino＄40，重奶無咩咖啡味，唔知法國人飲咖啡係咪鍾意飲奶多個咖啡味？或者佢係就翻香港人，而創作既港式泡沫咖啡？三文治，就係好 home made 既 style , 好似自已屋企整既口味，無咩可寫。食咗只係半成飽，加埋杯咖啡已經差唔多＄100，想再食其他野亦沒有什麼選擇。Cafe 無野食應該唔夠交租，但係勉強製造幾款三文治賣幾十蚊，又對得住消費者？這就是品牌效應？無可否認嘅 Agnes B 嘅環境，係真係唔錯，彩色嘅地磚襯托一股法式情懷，賣精緻嘅朱古力同 retail products ，Agnes B cafe 有名無實。