Cafe Paradise (已結業)

一星期有一天在太子工作，又係搵下openrice有咩好食店試新野，見到呢間D食評唔錯，裝修又好似有D特式，所以邀約同事去試下。去到見到裝修都幾靚，但係係間小店，枱與枱之間相距好窄，老實講坐得唔舒服，傾計好似同隔離枱一齊傾咁，所以同同事傾計都有D避忌。我地每人叫咗個main dish. 我叫了黑松露野菌意大利飯 （＄68），同事叫了肉醬意粉（＄58）。首先來了餐湯。一個外貌平平的忌廉湯有D驚喜，味道好濃好滑，真係幾好味。我的黑松露野菌意大利飯講真味道真係好一般，黑松露的味道唔出，而且D米還未熟透。真係稱唔上好食而同事叫的肉醬意粉也是茶餐廳水準，同事食到擰晒頭！加錢可以有飲品，於是同事加＄25叫了玫瑰花茶，用透明玻璃壺上，好似有D格調， 但一般花茶的味道罷了而我就叫了朱古力沙冰，嘩！好高好大杯咁！都係加＄15，好抵！飲落都OK，無咩特別，因為太大杯又唔想浪費，於是叫外賣杯帶返公司慢慢飲，點知要加＄2，好吧。總括黎講，D食物質素真係唔太滿意，坐得又唔舒服，同區有好多類似的cafe。真係唔會再黎。