Mango X'press (已結業)

食完拉麵之後，一心過黎食個冰，因為上次經過見到有個芒果冰幾吸引。由於上次只係匆匆經過，冇留意過價錢，今次去到，見到原來個冰要成60蚊…喂，係咪我太窮？點解我覺得咁貴？呢間店冇得坐，要拎住食，真係唔捨得要俾60蚊一場黎到，諗住算啦點都買杯飲品，見到收銀位置有幾串茫果串燒嘅dummy，又覺得幾吸引，所以都買埋。串燒芒果冰 $18買左之後即刻開黎相機食先，但發現可能雪得太凍，膠袋都痴得幾實，所以拜託店員幫我地打開包裝。18蚊黎講大概有7粒芒果，唔算貴。不過味道一般般，雪到咁凍都明會影響甜度，不過呢幾粒芒果食落冇乜味。蝶豆花芒果露 $26大熱左一輪嘅碟豆花漸層飲料，拎上手都覺得幾大杯~搖勻左之後，就變左呢種顏色，由於蝶豆花本身冇味道，所以都expect會係幾重芒果味。點知…原來咁大杯都係梳打水，芒果味近乎冇…等於飲左咁大杯有汽冰水…番到黎打呢篇食評，先正式睇下店鋪資料…乜原來呢度有咁多好評…我…真係覺得以上兩款一般。