甜CC 甜品店 (已結業)

聯和墟係冇甜品鋪咁濟，所以呢間「甜CC 甜品店」可以話係獨市生意。果晚去到，都差不多爆場。—甜品種類好多，中西都有齊，揀左好耐先決定到。唔食西米露同刨冰既藍妹篩走左唔少選擇。—芋頭西米露芋頭份量適中，反而西米露好多呢😲芋頭甜度不錯。—椰皇燉鮮奶藍妹本身好鐘意食燉奶燉蛋，覺得好香好滑。食椰汁會容易唔舒服既藍妹，最後都係忍唔住叫左黎試下。椰汁味唔重，好彩咋😅燉奶都算滑，不過真係好稀，可能因為椰汁既關係，啖啖都水汪汪咁😣原本期望食到結實又香滑既燉奶，結果好失望。😭—心太軟賣相唔錯呢！☺️ 出面既皮都幾硬，如果想要脆既口感，就會失望啦。裡面既朱古力有少少流心既感覺，質地相當厚身，偏苦。😳—呢間甜品鋪啲野唔難食，但同時唔係好食，只能說不過不失，但因為價錢偏貴，所以未必會再幫襯啦😞