阿德廚坊 (已結業)

今晚去左阿德廚坊食晚飯。佢菜的款式有西式扒餐同埋中式小菜。見到佢廚師推介有一味菜叫橙花骨，睇個名唔知佢係來頭，不過一向鐘意嚐鮮的我當然會試下 佢係一個餐黎的，仲包埋白飯同埋例湯，一共 HKD 56。等左大約5分鐘就有湯飲。佢個湯又OKAY 喎。係西洋菜南北杏湯，唔覺落左好多味精，仲有小小鮮味，唔夠火喉，不過係茶餐廳都預左飲唔到有火喉的靚湯。再等多一陣就上小菜啦。原來橙花骨就係將啲橙+ 有橙味的醬料+ 排骨會埋一齊。呢味菜的感覺就好似係大型超市盒飯的小菜一樣。啲橙醬唔會太鹹，唔酸，有小小橙味。唔可以話呢個醬汁難食，但係又唔係好食。佢同排骨起唔到化學作用，有好多醬汁可以帶出食材的鮮味，但係佢又唔得。至於排骨都正正常常，唔會煮到好乾，入面都有小小肉汁。好正常的排骨味。今餐飯的實在太普通，呢隻味平時行落街20, 30 蚊都買到，要俾笑臉真係俾唔落手，但係又未至於去到喊臉，只好俾個OKAY。至於服務就一般，啲服務生好似好忙。有時會見唔到你叫佢。