紅磡冰室 (已結業)

北角近地鐵站英皇道附近都好多食肆，而呢間紅磡冰室算新新地。lunch時間一直大排長龍，幸好座位算多，唔會響街等好耐就入得。店內環境都幾舒服，卡位係sofa, 又唔會好逼，樓底好高，係人較多會嘈少少。午餐有6款，有炒飯、普通碟頭飯等等，價錢要$50起標。亦有常餐，撈丁餐等等，也要40多元起標。唔好以為叫冰室就會好平。叫了午餐蒜茸雞扒飯，都好大碟，3至4塊煎雞扒，蒜茸汁幾香，“頹飯”來說味道很不錯，而且都好夠飽。奶茶普通貨色，無乜茶味。總的來說，味道不錯可以一試的普通午餐之選。