圓鐵板燒

營業中

休息中

每到午飯時間就令人頭痛, 碰巧今日離開海港城便有雨, 只好去新港中心FOOD COURT避雨兼找吃. 由於人多, 行一圈後決定食鐵板燒, 貪其有固定座位。之前係鑽石山分店亦開飯數次, 一般點菇類套餐, 貪其菇+菜+芽菜, 感覺健康. 一看餐牌，最平52有牛/豬套餐，54有羊，由於朋友是肉食主義, 同朋友點個豬&羊。點餐後先奉上飯同湯，然後師傅開始鐵板炒油麥菜，菜頗爽脆，跟住炒肉? (奇怪，之前鑽石山另會有芽菜)左羊右豬, 食落去, 調味完全一樣, 蒜味, 少少辣, 羊肉無騷味，基本上羊豬一樣味道, 唔駛擔心混亂左。加一罐可樂埋單加一119，人均消費60有找，但以男士食量來講可能唔太飽。