榮少喇沙 (已結業)

1️⃣炸豬扒喇沙 $50雖說係炸豬扒，但唔知點解睇落比較似煎豬扒。不過唔影響味道，有少少鹹但肉質都嫩。喇沙湯底味道唔算好重蝦味，比較重椰汁味，食落都ok。而配菜有半隻烚蛋同豆卜，少咗一般會見到嘅芽菜/豆芽，覺得有少少可惜，因為整體食落口感好單一，如果食麵嘅時候食到少少芽菜/豆芽，口感上會更豐富，而碗喇沙望落都冇咁空虛。✴️整體而言，今次食到嘅只係普普通通嘅喇沙，又未去到其他人講到咁濃郁，或者期望太大，不過都希望有機會再食下其他麵/飯。