幸福堂 (已結業)

呢日去開旺角同姐妹👭行街買衫👚👗👢👠🥿，佢話口渴話想飲杯嘢🥤，見到呢間之前風頭一時無兩嘅「幸福堂」！之前見咁多人排隊都有咩興趣試，要排30分鐘-60分鐘先有一杯嘢飲？不了！等得嚟我都唔口渴啦！😂😂今日可能係平日下午，所以都冇咩人排隊，所以即管試下啦！飲品款式唔算好多，一眼睇晒！😂一路等緊嘢飲嘅時候都有周圍睇下，見啲店員不停手咁炒呢鑊珍珠，幾得意，唔知一停手係咪會燶呢？🤭🤭我買咗呢杯最經典嘅黑糖珍珠厚奶茶，盛惠 $28 ！凍熱同價！講真呢杯嘢嘅size都算細！輕鬆一手掌握！味道方面都okay，珍珠係有黑糖味，幾黏韌，奶味都幾重！不過我覺得偏甜，飲完仲口渴過未飲！🙂😂想解渴可能真係要飲返水！😅