長江飲食中心

營業中

休息中

本身想食溫莎堡，但咁啱進行緊內部裝修，所以食呢間。 呢度門口有麵包賣，之前試過堂食係要先買飛比錢，搵左位之後就等staff送餐，不過今次無咁多時間堂食所以買外賣。早餐選擇算多，價錢都係一般茶記早餐價。 就咁叫左個沙嗲牛肉米，套餐跟火腿煎蛋同餐包，凍飲加$2，叫左杯凍奶茶少甜少冰。 米粉同湯係無分開裝，唔知係咪要特別要求，不過公司喺附近，拎到返去都無咩問題。沙嗲牛肉米份量都幾多，但沙嗲牛肉味唔係好濃，得個色有一兩舊比較韌。 煎蛋個樣比較hea，不過我都係放埋落個麵度食 而杯凍奶茶…叫左少甜少冰，打開個杯發覺啲碎冰好似好多咁，用匙羹𢳂晒出黎杯奶茶都無左1/3，好似飲兩啖就無。又唔覺得佢有特別少甜到，都係叫返熱飲好啲。