聯合興食館

營業中

休息中

有日係電視見到介紹呢間潮洲食店，睇完就心郁郁走去試下，店内環境光猛，冷氣充足，算是乾淨企理。餐廳晚上六點半多已坐滿食客，非常熱鬧。門口廚窗掛着鹵水鵝及一盆盆鹵水豆腐，又有鹵水蛋、筍蝦、生腸、牙帶魚等，望見就已經覺得吸引!韮菜豬紅，豬紅夠彈囗又入味。花生雞腳併豬手，雞腳和豬手都大大隻而且夠冧身，豬手處理得乾淨冇毛，而且味道濃郁，反而花生就唔多夠冧。八珍豆腐煲 ，煲身唔夠熱，所以所有食材包括豆腐、魷魚、豬潤 、蝦都唔透熱，因而失色，味道亦都略為鹹了點。