Bien Bistro (已結業)

今次👩🏼自己同朋友岀去食晚餐，去咗食多國菜嘅Bien Bistro，依間餐廳好似都開咗幾耐，今次都係第一次試🤔.炸香辣雞肉雲吞沙律配芒果汁本來睇個名以為係意大利雲吞Ravioli，但係佢係炸嘅，就好奇叫嚟試下，原來真係...普通嘅炸雲吞。芒果汁(醬?)都算係比想像中嘅味道好嘅😅.軟殼蟹燴天使麵🍝其實👩🏼不喜歡食幼幼嘅天使麵，係為咗軟殼蟹叫嘅。賣相幾好，軟殼蟹都幾大隻，麵嘅份量都好多，但略嫌青檸同青椒都多咗少少，都幾搶味🤢.香草焗西冷牛扒配三葱紅酒汁相對起其他菜式，個牛扒整得幾好食，但兩位朋友都係一樣叫五成熟，唔知點解一個五成，一個七成😐。👩🏼就試咗五成果個，啲香草好香，連埋肉食都幾正。但另外跟咗個焗薯🥔，上面舖咗芝士，但食完芝士之後發現下面嘅薯蓉係一啲味都無，好似鹽同黑椒都無加咁，得薯仔嘅味道....芝士煙肉焗薯條🥓🍟其實食晒主菜之後，個薯條都仲未嚟，應該係落漏咗。味道方面，個薯條真係太太太...太鹹啦，如果將一半鹽放去整薯蓉應該會好好多😅，煙肉無先炒香，剩係咁樣放上面頭焗，油香根本無岀到嚟....服務👨🏻‍🍳👩🏻‍🍳服務又唔係好差嘅，但係都可以留意下客人需要，因為我哋坐係度食咁耐係無