金記冰室 (海港中心)

營業中

休息中

金記本身擁有多間分店，但近期唔少金記茶餐廳分店相繼結業，今日試一試尚未結業的金記茶餐廳。去到茶餐廳，梗係要嗌一嗌常餐，當日就嗌咗呢個豬潤麵常餐，配炒蛋多士。豬膶麵份量唔多，豬膶細塊薄身唔好食，而且湯頭唔好飲，相比起以前食物嘅質素明顯差咗。而且豬潤麵上菜嘅時候湯汁灑滿碗邊，賣相亦都唔靚唔衛生。至於炒蛋多士，質素同普通快餐店相同，冇咩特別驚喜。最後跟餐仲有個熱檸茶，可惜嘅係熱檸茶遲遲未上，係食完所有食物口等多10分鐘先至有，令到整個用餐體驗都未如理想。希望餐廳之後會有所改善。